कृष्ण सखा

दि: १२:०६:२०२०

भक्ती काव्य

*कृष्ण सखा*

कृष्ण सखा माझा,कुठे गेला हरी

शोधून थकले,आले बाई घरी||धृ||

रात्रंदिन लागे,तुझाच रे ध्यास

कधी भेटशील,सख्या तुझी आस

कासावीस जीव,होतो माझ्या 

उरी

शोधून थकले,आले बाई घरी||१||

मन मंदिरात,असे तुझी मूर्ती

राधाकृष्ण सखा,जगामध्ये किर्ती

नको ठेवू कान्हा,मजसी रे दूरी

शोधून थकले,आले बाई घरी||२||

येई प्राण कंठा,किती वाट पाहू

तुझ्या प्रेमरंगी, रंगून मी जाऊ

अंतकाळी कान्हा, धाव रे सत्वरी

शोधून थकले,आले बाई घरी||३||

✍सौ. प्रतिभा विभूते,

         पुणे.