भाऊराया.

दि:२९:१०:

भाऊराया.

प्रेम भावना तुमच्या मनीच्या

कळतात रे मज भाऊराया

जन्मोजन्मी चे नाते आपुले

घ्या समजून अंतरीची माया       ||१||

आहेत सुंदर बंधू दोन

राम,लक्ष्मण जोडी छान

अभिमान वाटे बहिणींना फार

म्हणूनच मिळतो वडिलकीचा मान ||२||

हरवले पित्याचे आधार छत्र

व्याकूळ झालो मनोमनी

सदोदित राहिलास पाठीशी

पित्याची जागा घेऊनी ||३||

सगळ्या कुटुंबाचा भार झेलून

कर्तव्य केली वडिला समान

लहान बहिणीचे करून कन्यादान

जगी झालात तुम्ही महान ||४||

राखीच्या रेशमी कोमल धाग्याने

बहिण भावाचे मन जुळली

सदैव आठवण राहो भाऊबीज

शब्दरूपी काव्याने भावना कळली ||५||

नको पैसा नको काही

आहात तूम्ही प्रेमाचा सागर

थकले असेल जेव्हा विसाव्यासाठी

असू द्या चार दिवसाचे माहेर   ||६||

दोन्ही बंधूस मिळो आयुष्य छान

निरोगी, सुख, समाधान

काही मागणे नसे देवा तुजकडे

सुखी ठेव जोडी माझी तुला आन ||७||

  ✍ सौ. प्रतिभा विभूते

         पुणे.©®