शब्द वल्लरी काव्यसंग्रह

दि: २५:११:१९

*माझे बाबा*

कल्पवृक्ष कन्येसाठी 

लावूनिया बाबा गेला

सुखाची छाया धरूनी

आधार आम्हा दिला |१|

रम्य होते माझे बालपण

अंगाखांद्यावर खेळवले

मायेनेच गोंजरताच

सारे दुःख पळविले|२|

आई म्हणे नका

 इतका जीव लावू

एक दिवस जाईल

सोडून लाडकी माऊ |३|

अर्धवट संसार सोडून

गेले निघून कसे तुम्ही

कसा विरह सहन करू

सांगा ना बाबा आम्ही? |४|

कधी केली नाही

पर्वा तुम्ही स्वत:ची

सदैव काळजी होती

तुम्हाला सर्व कुटुंबाची|५|

नाही जाणार कष्ट वाया

तुमचा त्याग, बलीदान

लाडकी लेक तुमची आहे

याचा मला रास्त अभिमान |६|

देवा एकच मागणे 

हात जोडूनी तुला

जन्मोजन्मी हेच हवेत

मायाळू बाबा मला...|७|

✍ सौ. प्रतिभा विभूते

       पुणे.